U skladu sa član 60  Zakona o javnim nabavkama (“Službeni list Crne Gore”, broj 42/11, 57/14), službenici za javne nabavke, zaposleni koji u nadležnom organu i komisiji nadležnoj za kontrolu postupaka javnih nabavki vrše upravne i sa njima povezane stručne poslove, dužni su da se stručno osposobljavaju i usavršavaju i imaju položen stručni ispit za rad na poslovima javnih nabavki.
Shodno tome, na zahtjev rukovodioca Turističke organizacije Bar, održana je obuka za polaganje stručnog ispita za rad na poslovima javnih nabavki.

Dvodnevna obuka obuhvatala je sljedeće teme: Osnovne odredbe Zakona, vrste postupaka u javnim nabavkama, sadržaj tenderske dokumentacije i praktični primjeri, ponuda i javno otvaranje ponuda, ocjena i vrednovanje ponude, zaštita prava u postupku javne nabavke, odlučivanje Državne komisije, inspekcijski nadzor, evidencija o javnim nabavkama i izvještavanje i dr.

Obuci je prisustvovalo oko 10 službenika.

Predavači na ovoj obuci bili su Farisa Kurpejović i Bojana Ačkovič, Samostalni savjetnici u Upravi za javne nabavke.