Danas je u prostorijama stare zgrade Vlade sa početkom u 11 časova, održana svečana dodjela sertifikata službenicima za javne nabavke, koji su uspješno završili program stručnog osposobljavanja i položili stručni ispit za rad na poslovima javnih nabavki.

Drugoj grupi sertifikovanih službenika za javne nabavke, danas su uvjerenja uručili Direktor Uprave za javne nabavke dr Mersad Mujević, kao i član Državne komisije za kontrolu postupka javnih nabavki, g-din Omer Mehmedović i zaposleni Uprave za javne nabavke.

Sa dodjele sertifikata

Pozdravnim govorom Direktor Uprave, zahvalio se i čestitao prisutnim službenicima za javne nabavke i pozvao ih da kroz zajedničku saradnju doprinesu jačanju i unapređenju sistema javnih nabavki u Crnoj Gori.

Danas je ceremoniji dodjele sertifikata, prisustvovalo oko 70 službenika, koji su u periodu od februara do maja 2013.godine  uspješno završili stručni ispit za rad na poslovima javnih nabavki.

PR Služba Uprave za javne nabavke