U skladu sa Zakonom o javnim nabavkama član 60 stav 1 (“Službeni list Crne Gore”, broj 42/11, 57/14 ), službenici za javne nabavke, zaposleni koji u nadležnom organu i komisiji nadležnoj za kontrolu postupaka javnih nabavki vrše upravne i sa njima povezane stručne poslove, dužni su da se stručno osposobljavaju i usavršavaju i imaju položen stručni ispit za rad na poslovima javnih nabavki.

U  skladu sa prethodno navedenim, dana 31.10.2016.godine, u staroj zgradi Vlade, ul. Jovana Tomaševića br. 2 održana je obuka za polaganje stručnog ispita za rad na poslovima javnih nabavki.

Obuka je održana u skladu sa Programom i načinom polaganja stručnog ispita za rad na poslovima javnih nabavki posebno  usmjerena na : usklađivanje Zakona o javnim nabavkama, postupcima u javnim nabavkama, određivanje tehničkih elemenata javne nabavke, ponudu, javno otvaranje ponuda, nabavke u oblasti vodoprivrede, energetike, saobraćaja , poštanskih usluga /nabavke u elektronskoj formi, nabavke u oblasti odbrane i bezbjednosti /evidencija o javnim nabavkama i izvještavanju, zaštita prava u postupku javnih nabavki, odlučivanje Državne komisije i inspekcijski nadzor.

Pored navedenih tema  predavači su  posebnu pažnju usmjerili na direktive 23, 24, 25 i ključnim elementima nacrta novog zakona.

U svojstvu predavača bile su g-đa Bojana Ačković, samostalni savjetnik i Farisa Kurpejović, samostalni savjetnik.